တပေါင်း
ရာသီ။ ။ မိန် (Pisces)
ပန်း။ ။ ပိတောက်၊ သရဖီ၊ အင်ကြင်း (gum-kino flower: Pterocarpus macrocarpus, Calophyllum amoenum, Pentacme suavis)
ပွဲတော်။ ။ သဲပုံစေတီ ပွဲ
နက္ခတ်။ ။ ပြုဗ္ဗာဖလဂုဏီ၊ ဥတ္တရဖလဂုဏီ၊ ဟဿတ
နေထွက်။ ။ 6:24 am
နေဝင်။ ။ 5:36 pm
၁၂ လရာသီမိုး
တပေါင်းလည်းကူး၊
မိုးသားကြူး။
တပေါင်းညှာကျင်
ရှစ်ခွင်တိုင်း မှုန်မှိုင်းတဲ့ ပတ်လည်၊
သဇင်ကြွင်းငယ်နှင့် အင်ကြင်းသန္တာ ညွန့်ငယ်တို့
ဖူးပွင့်ကိုက်စီ။
ဘမရာ ရွှေပိတုန်းငယ်တို့
ခြွေသုံးကြဝတ်ရည်။
ညွှတ်ကြည်ဖွယ့် ဖော်ကွဲ
ယင်းသည့်နေ့ဆိုင်
ရသေ့ သူတော်တိုင်မှ
ဉာဏ်မခိုင် စျာန်ယိုင်လျှောရတယ်
ရာသီတွင် စာညီပြောပေပ
ကျော၍ သာမြဲ။
(ဦးကြင်ဥ)
တပေါင်းလ
တောင်ထိပ်ပေါ်မှာ နွယ်ချိုနှောလို့၊
ဥသြတွန်တဲ့ လရာသီ။
ဖက်ဆွတ်ကယ် သပြေပန်း၊ လန်းပြန်ခဲ့ပြီ။
တပေါင်းလရယ်တဲ့ ပွဲတော်မှီ၊
သရဖီနဲ့ ကံ့ကော်ပန်း။
ပုပ္ပါးတောင်တော်သာက။
မွှေးလာချက်ဆန်း။
(အမည်မသိရှေးစာဆို)
တပေါင်းရယ်တဲ့ မိန်ရာသီ။
ရွက်ဟောင်းကို လေနှင်လို့
ပန်တော်ဝင် ရွှေအင်ကြင်းငယ်
သင်းပျံ့ခဲ့ပြီ။
နီတျာ သန္တာနှစ်လိုပ
စီအမြွှာ ညှာသရစ်ကယ်တို့
ဝနာသစ် ပြောင်းခါမှီ
ဆောင်းရာသီရယ်တဲ့ ကုန်ကျွမ်း။
ဘရဂုဏ္ဏီမှာ
တူအညီ သော်တာပြည့်ပါလို့
မျှော်ကြည့်သူ ကြည်ကြည်သာ၍
သည်အခါ ငွေတောင်ဦးမှာလ
သဲစေတီ သဘင်ထူးကို
မြူးလို့ ပျော်ခန်း။
(မဟာဂီတ ဦးပြုံးချို)
ပန်းရွှေဖီ ကြိုင်လျှောက်လို့၊
ပိတောက်ကယ်တဲ့ သင်းချို။
ဥတ္တရာ ဘရဂုဏ်က၊
တိမ်ဘုံမှာ ရောင်ခြည်လင်းလို့။
လမင်းသော်တာနှင့်၊
တူမကွာထိန်ဝါလင်းတဲ့၊ ထွန်းတဲ့ခါကို။
သောင်သဲငယ်မို၊ ရေညိုရစ်မို့၊
လေညှင်းဝယ်လာ၊
စုံဟေမာမြိုင်ထဲက၊ ဝမ်းပဲ ရွှေစင်ရော်တို့၊
ဖော်ခေါ်သံ မောင်မယ်ကျူးတယ်။
မြူးပျော်ကြလို့။
(ဖိုးသူတော်ဦးမင်း)
The golden
Tharaphi flower diffuses its scent,
and the
Pitauk is fragrant.
Beta Leonis
radiant in the cloudy heaven
shines together
with the king Moon brightly.
Sandbanks rise
encircled by grey water.
The breeze blows softly.
In the thick jungle
ducks and golden gulls
cry for their mates, singing,
and play merrily.
(Saya Maung Thar Noe)