တပို့တွဲ
ရာသီ။ ။ ကုံ (Aquarius)
ပန်း။ ။ ပေါက်လဲ (Butea: Flame of the Forest)
ပွဲတော်။ ။ မီးဖုန်းသဘင်ပွဲ၊ ထမနဲပွဲ
နက္ခတ်။ ။ အသလိဿ၊ မာဃ
နေထွက်။ ။ 6:48 am
နေဝင်။ ။ 5:12 pm
၁၂ လရာသီမိုး
တပို့တွဲ၊
နွဲ၍ရွာခြင်း၊
သံမိုးကြွင်း။
ကုံရာသီ
ထန်းရည်နင်း၊ ပေါက်ကင်းတဲ့လဲ့ငုံ။
ဇရက်ကယ်သာကာနှင့်၊
ယော်ရွက်ဝါတမာနု၊
လွမ်းသူ့ပူပုံ။
စရိုက်ကယ်လှုံ၊
ပင်မြုံမြင့်သိုက်နန်း၊
ထွက်စီးငယ်ဝှန်၊
ကျောက်စက်ကယ်ရေတံခွန်နှင့်၊
ဟေမဝန်သာယာနုပါဘိ၊
ယွန်းလုနွေဆန်း။
(ဦးကြင်ဥ)
ပေါက်လဲရယ်တဲ့ ပွင့်စီစီ။
ဝတ်ပန်းသူရာရေကြောင့်
ဆက်ရက်တွေ သံစုံကျူးတယ်
မြူးသည့်ရာသီ။
ငွေသော်တာ ကြယ်မာဃငယ်နှင့်
ထွန်းလျှံပ ပြည့်ကာညီ
ပြာရီလဲ့ မြူခိုး။
ယာဂုပွဲကိုတဲ့
လှူမြဲအလွန်ရွှင်လို့
ခုနှစ်စင် တာရာလျှမ်းသည်နှင့်
ဆူးပန်းတွေ ဝေဝေပွင့်ကြတယ်
ထူးတင့် မညှိုး။
(မဟာဂီတ ဦးပြုံးချို)
ရာသီချိန် ခါရောက်လို့၊
လဲပေါက်ကယ်ပွင့်ညီ။
ရွှေဖီနံ့သာနှင့်၊
ခြောက်ရောင်ဝါ စေတီရင်းမှာလ၊
ဆယ်စင်းလက်စုံပူး၊
ဦးမြှောက်လို့ချီ။
ငွေနှင်းရယ်စီ၊
သုံးလီသမယ။
ယူဇနာ မြင့်မြတ်ကယ် သင်္ချာနှင့်၊
ယုဂန်ညာတောင်တော်စွန်းမှာ၊
ထွန်းလိမ့်မာဃ။
(ဖိုးသူတော်ဦးမင်း)
As the season sets in,
the cotton and butea trees blossom together.
At the foot of the six-rayed pagoda,
with golden flowers and incense,
ten fingers join
raised to the forehead.
Silver mist spreads beauteously
throughout the three watches.
In abundance of light,
at the rim of the great Yugan mountain,
Regulus shines.
(Saya Maung Thar Noe)