တန်ခူး
ရာသီ။ ။ မိဿ (Aries)
ပန်း။ ။ ကံ့ကော်၊ ရင်ခတ် (Mesua ferrea, Gardenia coronaria)
ပွဲတော်။ ။ သင်္ကြန် တာကူး ပွဲတော်
နက္ခတ်။ ။ စိတြ၊ သွာတိ
နေထွက်။ ။ 6:00 am
နေဝင်။ ။ 6:00 pm
၁၂ လရာသီမိုး
တန်ခူး မည်မှတ်၊
ဖက်ဆွတ်ရေတိုး၊
သင်္ကြန်မိုး။
ပိတောက်ရွှေဝါ
လတန်ခူးပေမို့၊
အလှထူးပါဘိ၊
မြမြဖူးရယ်တဲ့ ခိုင်ရွှေဝါ။
တကယ်တန်းသာဖြင့်၊
ဘယ်ပန်းသော်စံမတူဘူ့၊
နန္ဒမူ ဖန်ကူထိပ်မှာလှ၊
ပစ္စေကာချွေးတော်
သိပ်ရတယ်၊ ဧရိပ်ဆာယာ။
တနှစ်တွင် သည်တလပေပ၊
တလတွင် တရက်ထဲ၊
ခက်ခဲတဲ့ရက်ဗုဒ္ဓါ၊
ပွင့်ရှာကြစုံမြိုင်တွင်း။
မြူမင်းလွင်ထန်၊
ကြူသင်းတာချိန်ယံမတော့၊
ရွှေဝတ်ဆံငုံတံညှောင့်ကယ်နှင့်၊
ခါသင်္ကြန်ဂိမှန်
ရောက်ပြန်တော့၊
သိန်သရေထိန်ဝေလို့ တောက်တဲ့ပြင်၊
လမ်းတလျောက်သင်းပါဘိ၊
ဆန်းသလောက်မလင်းနိုင်းဘူး၊
ပန်းပိတောက်မင်း။
(ဦးကြော့)
နှစ်လုံးရယ်တဲ့ ပါဒ်မှီ။
ရေသွန်း စံပျော်လို့
ငွေကံ့ကော် ပိတောက်ပန်းရယ်
လန်းတဲ့ရာသီ။
စိတြာ ရွှေကြယ်မြတ်ကယ်နှင့်
စန်းသမသတ်ပြည့်ခါမှီ
ညဉ့်နာရီနေခင်း။
မျှမပို
လအလို အခါထူးပါတဲ့
တန်ခူးသည် ဂိမှေ၌
ရဝိန်နေ မေဇ္ဈနန်းမှာ
မြန်းမည့် အတွင်း။
(မဟာဂီတ ဦးပြုံးချို)
ဟောင်းရွက်ညှာ ခါလှစ်လို့၊
တာသစ်ကယ်တဲ့ နံ့ကြိုင်။
ထုတ်ဖြူးလေ ဆော်က၊
ပန်းကံ့ကော် ဝတ်မှုံကျင်း၊
သင်းပျံ့လို့ လှိုင်။
ကြယ်နှစ်ပြိုင်၊ စိတြငယ်နှင့်၊
ငွေလသော်တာတို့၊
ယုဂန်ချာ တောင်တော်စွန်းမှာ၊
ထွန်းထိန်လို့လင်း။
(ဖိုးသူတော်ဦးမင်း)
Old leaves shaken off the stems.
The new year's odours rise.
The wind comes in puffs.
Gangaw flowers speard their pollins.
Fragrance everywhere.
Two rival stars
shine brightly together.
Spica and the silver moon
illumine
high Yugan's rim.
(Saya Maung Thar Noe)